【AAA頒獎禮】IU奪四獎 BTS李秉憲獲頒大獎

更新時間 (HKT): 2018.11.28 20:44
BTS及李秉憲獲頒最高殊榮嘅大獎

憑人氣劇《我的ID是江南美人》而上位嘅男團ASTRO成員銀優,率先奪得AAA Rising,銀優表示:「好感謝大家,作為歌手及演員,之後會以更好嘅作品見大家。」AOA嘅雪炫於奪得AAA New Wave。

韓流男星李秉憲及人氣男團防彈少年團(BTS)就獲頒韓國觀光公社感謝獎,李秉憲表示:「我唔知道《陽光先生》係唔係已經為韓國旅遊業作出咗巨大貢獻,不過我認為呢個獎項代表劇集獲得外國粉絲嘅喜愛。」而BTS就表示感謝全世界粉絲嘅支持,好榮幸獲獎,承諾會創作更多好音樂。之後BTS再奪人氣獎,另外IU亦先後奪得人氣獎、Asia Hottest、年度藝人及最佳演員四個獎。

台灣男星劉以豪獲頒AAA Choice時,先用韓文打招呼,之後表示今日係媽媽生日,所以會將呢個獎送畀媽媽。

隨後李秉憲跟河正宇齊齊獲頒AAA Fabulous,二人一齊現身台上時,李秉憲表示呢個獎歸功於工作人員,佢係代大家上台領獎。河正宇就表示第一次獲邀出席「AAA」,覺得好開心,又提到明年跟李秉憲一齊拍攝新電影,可以一齊奪獎,感覺非常好。

而新人女團IZ*ONE,就孖Stray Kids、(G)I-DLE及The Boyz齊奪歌手部門嘅新人獎。憑人氣劇《經常請吃飯的漂亮姐姐》而上位嘅男星丁海寅,就獲頒年度藝人、Asia Trend、Best Emotive合共3個獎項。

頒獎禮進行咗近5小時,歌手部門最高殊榮嘅大獎由人氣男團BTS奪得,7子逐一喺台上感謝粉絲,至於演員部門的大獎則由李秉憲奪得,佢喺台上答謝劇集《陽光先生》嘅台前幕後,並感謝演員老婆李敏貞及囝囝,又呼籲粉絲支持老婆嘅新劇。

娛聞樂陪你走遍全球追星,即Like「娛果」FB 專頁!
BannerBanner