【一齊度橋】病兵陸續出現 MIRROR互相傳染病菌

《全民造星》出身嘅男團MIRROR，隊長楊樂文（Lokman）率領成員陳卓賢（Ian）、江熚生（Anson Kong）、李駿傑（Jeremy）及邱傲然（Tiger），今晚去到科學園出席「綠色XS能量跑2018」為參賽者打氣。

MIRROR將於本月21日舉行演唱會，仲有3個星期時間，佢哋近排忙於進行排練及準備，Lokman話：「喺團體表演上，大家一齊度橋，提出不同意見，但冇意見不合，大家都好聽話，專注排練。」至於有否操肌到時展示肌肉，眾人話將騷肌重任交俾Jeremy。越嚟越近演出日子，但多位成員皆表示病倒，佢哋話可能見得太多，所以互相傳染。

問到佢哋係咪需要節食，Lokman話：「反而啲人話我瘦咗，叫我食多啲嘢。」Ian就話除咗盡量食少啲煎炸嘢，飲用熱飲養聲。