【演唱會門票有新安排】進入備戰狀態 劉德華要細細聲講嘢

更新時間 (HKT): 2018.12.07 17:22
華仔已經積極為演唱會備戰!

《My Love Andy Lau劉德華World Tour》將會喺下周六,即係15號喺紅館開鑼,華仔o依家已經進入備戰狀態,除咗展現最好嘅身型體態、keep住身強體健之外,護聲方面更加唔可以馬虎。華仔曾經公開話自己從來唔飲冰水,就算天氣幾熱都好,也只係飲室溫、暖水,不過太熱嘅水都唔可以!

每場演唱會大約要唱近30首歌曲,其間仲要同fans深情說話,所以喺呢段時間,華仔一定會準備開聲茶,華仔話:「我啲開聲茶同坊間一樣,冇乜嘢特別秘方,我仲會細細聲講嘢,就算好嬲都唔敢大聲,就怕傷咗把聲!」另一方面,為咗可以有多啲輪椅使用者都可以睇騷,主辦單位同紅館商議後,宣佈將o依家尚餘嘅輪椅平台座位,喺周一發售。

今次20場只限輪椅使用者同其看顧人使用嘅座位門票,共有1580張,每張票價$980,所有門票唔會喺售票處發售,喺下周一朝早10時起至每一場演唱會嘅演出日期前一天內,透過以下途徑購票,每人每次限購最多兩張門票,(「兩張輪椅座位門票」或「一張輪椅座位門票及一張看顧人座位門票」)。先到先得,售完即止。安排如下:

娛聞樂陪你走遍全球追星,即Like「娛果」FB 專頁!
BannerBanner