【傾足8粒鐘】龔嘉欣原來係「辣椒仔」 沈卓盈祝早日搵到真命天子

更新時間 (HKT): 2018.12.08 13:16
少婦聯盟為成員龔嘉欣慶生。(Ig圖片)

龔嘉欣本周三29歲牛一,佢慶生周當然係節目多多,佢同沈卓盈、準媽咪陳凱琳、譚凱琪嘅少婦聯盟,日前就合體為壽星女龔嘉欣開生日P,佢哋噚晚貼相Instagram分享,龔嘉欣貼相後話:「開心停不了,多謝少婦聯盟,聊到差不多天亮,小鳥叫,差點要留宿,的確是史上最長的飯局,亦都覺得很感動,很神奇,很搞笑,無所不談,期待我們的成員,都快點進入人生另一個階段,我等你們啦。」

沈卓盈也貼同一樣相片後留言:「唔知點解少婦聯盟每次見面都咁長氣,今次係傾咗8個鐘,冇錯係8個鐘,全晚喺歡笑聲同美食中度過,係開心嘅,祝我哋嘅辣椒仔生日大快樂,早日搵到真命天子。」沈卓盈今日回覆傳媒,佢話呢次gathering,順便見吓準媽咪陳凱琳。

娛聞樂陪你走遍全球追星,即Like「娛果」FB 專頁!
BannerBanner