【狗仔出更】曾國祥與女友王敏奕超市極速買餸 返屋企玩煮飯仔

更新時間 (HKT): 2018.12.09 00:00

曾志偉個仔曾國祥,喺13年同有份拍爸爸監製嘅無綫劇集《女人俱樂部》嘅小花王敏奕撻着,劇中王敏奕演嫩版李麗珍而為觀眾認識。王敏奕同曾國祥拍拖未夠半年,就已經融入曾國祥家中,除咗深得未來老爺歡心外,仲同埋曾國祥同居,經常畀傳媒影到佢哋出雙入對。

兩人拍拖4年幾,雖然日前突然走咗個火炭麗琪出嚟,喺Ig度爆粗喪鬧王敏奕,之後仲要走去曾國祥個Ig留言(新聞連結: https://bit.ly/2raGDs4 ),不過都冇損佢哋兩個嘅感情。

日前《蘋果》又影到佢哋孖公仔去超市買餸,當日下午3點,曾國祥同女友王敏奕帶住黑超去中環超市,星味甚濃。兩人入超市買咗一堆蔬菜之後就一齊揀扒,見曾國祥揀扒期間不時手指指,似乎買乜都要問女友意見。喺曾國祥買扒期間,王敏奕就急步去揀醬料,兩人分工合作好有默契。之後曾國祥同女友之後排隊畀錢,前後20分鐘買完,睇佢哋買嘅份量,應該兩個人買餸返屋企玩煮飯仔。

娛聞樂陪你走遍全球追星,即Like「娛果」FB 專頁!
BannerBanner