【由未嫁到變人母】等咗8年終兌承諾 釗峰搵Celia K.拍MV

更新時間 (HKT): 2018.12.11 20:03
釗峰同Celia K.私下好老友!

樂隊C AllStar喺舊年開完演唱會後宣佈休團,成員之一嘅釗峰喺下周二推出首張個人專輯,早前釗峰為咗派台歌《若然冬天沒有花》去咗丹麥嘅哥本哈根拍MV,今次仲搵咗郭穎兒(Celia K.)擔任MV女主角,釗峰直認搵對方完全係出於私心,佢話:「我哋同期出道,互相扶持嘅好朋友,我曾經許下承諾,如果將來獨立發展,一定會搵佢拍MV,等咗8年終於願望成真。」

釗峰仲話:「我一直都好希望有一首屬於自己嘅聖誕歌,聖誕節唔一定係普天同慶,帶住一份傷感嘅聖誕亦都可以好美麗。」雖然喺鏡頭前唔單止充滿聖誕氣氛,加上風景又真係好靚,不過鏡頭後一啲都唔過電,釗峰仲有啲內疚話:「Celia K.啱啱生完囡囡,就過嚟幫我做MV女主角,仲做埋保母沿途照顧我,希望佢老公唔會介意我借走咗佢老婆啦!」

娛聞樂陪你走遍全球追星,即Like「娛果」FB 專頁!
BannerBanner