【預告聖誕帶家人外出】幾時報「佳」音? 郭富城:留意我太太個肚

更新時間 (HKT): 2018.12.15 19:01
(左圖攝影:林賓尼)

郭富城(Aaron)今日喺尖沙嘴出席活動,佢除咗領唱聖誕歌之外,仲唱《強》鼓勵大家,活動教導小朋友要有儲蓄習慣,Aaron話佢都有幫囡囡儲起長輩送嘅利是,留番佢大個先自己拆利是:「要教佢有正確嘅價值觀,就算有能力都唔會為佢買好多名牌衫,大啲就教佢理財,將來到佢有能力,要買咗住嘅地方先。」o依家樓價貴,Aaron話等阿女係長遠嘅事,到時先再打算。

唔知今年聖誕節會點慶祝?Aaron話有兩日休息,囡囡已識行識走,到時諗住低調打扮,一家人出街感受吓氣氛。近日已喺屋企佈置聖誕樹,亦會準備禮物畀太太同囡囡,問到囡囡識問佢攞禮物未?Aaron甜笑話:「未識,但佢拎住嘢食會餵我,好sweet㗎!」

之前曾傳太太方媛(Moka)再懷孕,問佢會唔會趁聖誕「報佳音」?Aaron話:「我同太太及家人阿女多個伴,男或女都好,等個天安排。」至於係咪到新年可以公佈得?佢笑話:「咁你哋要留意我太太個肚。」

娛聞樂陪你走遍全球追星,即Like「娛果」FB 專頁!
BannerBanner