【唔好霸住個視壇】張衞健恨攞視帝 許志安:留畀新一代玩吓啦

更新時間 (HKT): 2018.12.15 12:28

郭富城(Aaron)、許志安、蘇皓兒、張涵予、鄭愷、陳凱歌、沈震軒、周焯華及謝盈萱等,噚晚去到澳門文化中心出席「第三屆澳門國際影展暨頒獎典禮」閉幕禮。

許志安噚日喺澳門出席周焯華爸爸80大壽,仲同周爸合唱一曲《喜歡妳是你》,安仔話有飲啲酒,但都係適可而止,安仔話:「呢幾年都冇醉,早幾年醉得過份,啲同事話我醉酒返到房話見到ufo,Sammi唔飲太多,都係品酒。」

講到古天樂同謝安琪合唱嘅歌曲《(一個男人)一個女人和浴室》,入圍叱咤十大「我最喜愛歌曲」,安仔笑言:「大家想睇到啲嘢,一種回憶,我想聽佢(古天樂)唱《男朋友》,幾鍾意佢唱歌,Eason同其他都好好,自己都想聽新歌,衝擊吓樂壇,佢同謝安琪首歌幾好聽,如果我同佢兩個男人冇咩好唱,都係唱吓《當年情》。」

今年幫tvb拍劇嘅張衞健恨攞視帝,其好兄弟許志安話:「佢不嬲係我心目中嘅視帝,留畀新一代玩吓啦!唔好霸住個視壇,我有支持佢,嗰套馬騮精......嘛!係《大帥哥》。」

Aaron是次為電影《麥路人》宣傳,在戲中飾演金融才俊嘅Aaron因為投資失利,經歷牢獄生涯,未能面對屋企,最終成為「麥民」,與同是流落快餐店嘅楊千嬅互相扶持,Aaron說:「千嬅色角經歷人生低潮,患上絶症,我同佢互相扶持,有一段感情但冇親熱戲。」Aaron透露萬梓良因為糖尿病未能參與宣傳,Aaron話:「萬梓因為糖尿病要食藥,成日要休息,希望佢快啲好番。」

娛聞樂陪你走遍全球追星,即Like「娛果」FB 專頁!
BannerBanner