【好HeHe!】去日本玉帛相見 胡渭康人生大事被林建名包起

更新時間 (HKT): 2018.12.16 16:03
(攝影:林俊強)

胡渭康、胡楓、林建康夫婦等,噚晚到九展出席「大名娛樂30周年晚宴」,胡渭康笑指入咗公司8年,好似自己擺酒,當正自己係半個主人家,遲啲仲會同老闆林建名上契:「未正式上,早幾個月去日本旅行,shopping嗰陣林生話買嘢送畀我,作為契仔禮物,仲話將來娶老婆,奶粉錢都包我。」問到會送乜上契禮物畀林生?佢話:「未諗到,佢生日我諗送乜都絞盡腦汁,佢樣樣有,真係唔知送乜,今年生日就以佢名義捐錢畀老人院,嚟緊新年會同林生去日本浸溫泉,玉帛相見。」

講到好友林利早排拍劇集《殺手》打戲時休克暈咗,胡渭康話有同林利通過電話:「佢話拍戲好辛苦,幾乎攞佢命,日打夜打,因為未完全康復,都幾辛苦。」有冇叫佢休息多啲?胡渭康笑住話:「佢唔肯,好似我咁,賺少啲錢都好似天誅地滅咁,趁後生搵多啲錢,佢話仲有一個禮拜就拍完,相信佢應該ok。」

娛聞樂陪你走遍全球追星,即Like「娛果」FB 專頁!
BannerBanner