【男方17年公佈離婚】14年合作大陸劇傳緋聞 大陸演員傅浤鳴擄獲周勵淇

更新時間 (HKT): 2018.12.17 16:12

周勵淇今日突然喺IG貼相,宣佈自己已經結咗婚,仲貼咗老公張相出嚟,老公係咩人呢?香港嘅觀眾可能唔係好清楚佢係邊個,但大陸嘅觀眾就好清楚喇,佢個名叫做傅浤鳴,大家喺上網搵唔到啲咩結果,不過如果搵佢嘅舊名傅程鵬就會搵到喇。

傅浤鳴1973年10月29日出生,係大陸男演員,棣屬南京軍區前綫文工團,佢嘅代表作係《狙擊生死綫》,喺呢套劇入面佢演嘅山鷹韓光,令佢嘅知名度大增,佢同周勵淇喺大陸劇《卧底》合作,當時嘅傅浤鳴已經結咗婚,有個一齊咗近20年嘅老婆程愫,仲有個囝囝,一直都係公認嘅好爸爸、好老公,但喺舊年3月佢就喺微博話要重新出發,6月公開已經離婚。

喺14年嘅時候,周勵淇同傅浤鳴合作拍大陸劇《卧底》,有傳佢哋成日傾電話,又會約出嚟見面,有時傅浤鳴仲會買宵夜俾周勵淇,不過當時周勵淇有男朋友徐正曦,傅浤鳴又有老婆同囝囝,所以劇組當時就算覺得奇怪都冇再講落去,但今日佢哋就宣佈結咗婚,咁14年嘅傳聞係真嘅機率就好高了。

娛聞樂陪你走遍全球追星,即Like「娛果」FB 專頁!
BannerBanner