【狗仔出更】李思捷生人勿近 余思霆怕惹緋聞避傾偈 

更新時間 (HKT): 2018.12.18 00:00

李思捷、林凱恩、林宣妤同余思霆等,日前喺中環蘇豪拍攝大台劇集《她她她的少女時代》,李思捷喺劇中飾演一名貨車司機,不過T恤下,仍見佢身型發福,好「中佬」feel,同搵食司機相比,好入型入格。

呢場戲講述李思捷泊低貨van喺路邊,打開尾箱執貨,而林凱恩、林宣妤同余思霆就貨van後傾偈,三個女仔一個墟,隔咗一陣,李思捷都走埋去同佢哋一齊吹水,林宣妤同余思霆先走,剩番林凱恩同李思捷再傾多一陣,林凱恩轉身去咗車尾箱拎咗一袋嘢就走咗,李思捷跟手就關上車尾。

李思捷唔使埋位時,佢就chur煙,林凱恩、林宣妤同余思霆三女因為發現有記者影相,佢哋當正李思捷生人勿近,唔敢走埋去傾偈,可能怕惹緋聞。李思捷就自喺路店舖望下櫥窗等埋位。呢場戲拍咗大約半小時,佢哋就轉景。

娛聞樂陪你走遍全球追星,即Like「娛果」FB 專頁!
BannerBanner