【孫悟空大戰魔盜王】遇見尊尼狄普講I love you 城城諗定片名博合作

更新時間 (HKT): 2018.12.19 18:28
(右圖攝影:盧妹)

郭富城今日喺柴灣以大使身份為「第43屆香港國際電影節」拍攝海報同宣傳片,佢笑言要連續4年擔任大使好似奧運咁:「我喜愛電影、熱愛電影,亦一直拍啲優質嘅電影,喺電影節可以睇到唔同地區嘅電影,好難能可貴。」不過城城話工作好忙,要喺香港先有機會睇到戲,仲話今次呢個大使身份,應該有優先權睇多啲電影。

城城話明年將會有4部電影上映,包括《風再起時》、《陌路人》、《六月的秘密》同《秘密房客》。早前佢又喺首屆海南島國際電影節攞咗影帝(新聞連結: https://bit.ly/2LpV0C9 ),仲遇到尊尼狄普(Johnny Depp):「真係一見如故,佢好nice。我同佢講好鍾意佢嘅電影、表現同態度,然後同佢講『I love you』。我真係一直好留意佢嘅電影,佢年紀大我少少之嘛,佢都話有機會想合作,又話希望喺中國地方拍電影。我就諗,如果拍套《海盜王奇遇孫悟空》就好,佢做魔盜王咁出色,我都要搵個勁啲嘅角色襯番,電影係夢工場,成事都唔出奇。」

城城透露o依家終於可以鬆一口氣,畀自己喺演員身份上休息、沉澱,嚟緊就會忙100場巡迴演唱會。

娛聞樂陪你走遍全球追星,即Like「娛果」FB 專頁!
BannerBanner