【晒恩愛】莫文蔚台北開騷fans唔肯走 出絕招搵老公上台錫錫送客

更新時間 (HKT): 2018.12.23 19:03
莫文蔚以超性感造型演出,與老公台上激嘴。

莫文蔚(Karen)噚晚喺台北小巨蛋舉行世界巡迴演唱會台灣站,佢着住性感歌衫喺台上又唱又跳,睇到現場觀眾嘩嘩聲,而林俊傑就為Karen擔任表演嘉賓。

不過,由於fans太熱情,不停叫encore,個騷去到夜晚11點,班fans都唔肯走,結果超時7分鐘,被罰款5萬台幣(約港幣1萬2千幾),而Karen仲要帶埋佢德籍老公Johannes上台,兩個人喺台上錫錫之後,就一齊送客,班fans先至肯乖乖離場。

完騷後Karen接受傳媒訪問,講到個騷超時,佢好豪氣咁話:「錢我有,我給!」今次係Karen第4次喺台北小巨蛋開騷,佢話:「真的超high,台北就是有種不一樣的感覺,有點回娘家的感覺,特別親切,所有的都滿分,尤其是觀眾,太絕了,哇,給我很多的能量,是很瘋狂的一場騷。」

講到佢搵老公上台送客,Karen話:「跟上次演唱會一樣的情況,燈也開了,但大家不願意走怎麼辦,只好抓著老公出去,今天用上同一個絕招。」問佢老公點學中文時,Karen話:「因為他的私人老師,我啊,很厲害,但他很用心學中文,因為他覺得這樣可以更了解我,所以我覺得特別窩心。」對於老公讚佢係好太太,Karen笑住話:「當然啊,他不會說謊的。」而噚晚佢台上打扮咁性感,原來老公事前係唔知情,Karen話:「我都是先斬後奏的啊,但他應該很羨慕吧,我練的腹肌比他好。」

精選娛聞,喺晒《娛果》 http://fb.com/appledailyent

娛聞樂陪你走遍全球追星,即Like「娛果」FB 專頁!
BannerBanner