【淋一淋好易病】一早冒雨跑步 馬浚偉擔心感冒失聲

更新時間 (HKT): 2018.12.23 12:47
攝影:馬建華

馬浚偉同莊思敏今朝一早冒雨參加喺沙田舉行嘅慈善跑步活動,馬仔坦言唔驚跑步,但擔心淋雨後患上感冒失聲,全因10日後就要為舞台劇演出。佢一直熱心推動羽毛球同跑步運動,同時亦支持本地精英運動員,出年更擔任大使到校園推廣運動對身心好處,問到計劃會去幾多間學校?佢話:「全港都去,我無上限,只要配合到時間就做,今次係純義工性質,希望可以幫年輕一輩。」

日前奪得全球華人傑出青年獎嘅莊思敏,好感動能喺家人見證下獲獎,從獲得提名人提名後,差不多經過一年時間面試同審查先獲獎,佢話:「得獎後更加覺得自己有好多不足之處,嚟緊要做多啲事回饋社會。」佢坦言已經過了事業上搏殺期,好似今年開工全部都係義工工作。最近剛簽咗北京公司,出年可能會較多時間北上發展,亦都有電影工作洽談中。

娛聞樂陪你走遍全球追星,即Like「娛果」FB 專頁!
BannerBanner