【Moka城城煙韌相後】 熊黛林帶孖女到郭可盈家開P 三代同堂晒溫馨

更新時間 (HKT): 2018.12.26 17:50
熊黛林悉心為囡囡設計聖誕BB造型。(Ig圖片)

「天王嫂」方媛今日Boxing Day,就喺凌晨兩點喺社交網貼同老公郭富城城煙韌合照,仲再晒多兩張由城城做攝影師影嘅靚相,更留言讚老公:「居然越來越會拍照了!」

另一邊,城城舊愛熊黛林(Lynn)今日都下午happy share佢對孖女Kaylor同Lyvia嘅聖誕紅噹噹萌B相,佢哋已經8個月大,着住紅色運動衫同戴上聖誕帽,相當可愛,越大越精靈,Kaylor眼仔碌碌,似足Lynn嘅大眼睛,而作為媽咪嘅佢除咗同佢哋影相,當然亦有同孖女各自合照,佢就以英文留言兩位小公主嘅第一個聖誕。有唔少網友就留言讚孖女,大讚佢哋係父母嘅完美組合,亦有網友留言「得意爆了」、「Cutie Pie」。

另外,作為Lynn嘅姑奶郭可盈就喺微博擺返佢地哋開party嘅大合照,見佢同老公林文龍、囡囡李天林天若(津津)等,可盈媽媽同Lynn媽媽也在場,實行三代同堂慶祝,見郭可盈就抱住細孖Lyvia,而Lynn就攬實津津,郭家上下相當融洽,可盈更留言:「笑聲笑聲滿載溫馨的聖誕派對!」

娛聞樂陪你走遍全球追星,即Like「娛果」FB 專頁!
BannerBanner