【享年87歲】黃秋生為母親設靈 細仔加拿大返港送別嫲嫲

更新時間 (HKT): 2018.12.29 18:03

黃秋生母親黃尊儀早前病逝,今日喺香港殯儀館設靈,享年87歲,喪禮以道教形式進行,明日出殯進行土葬。

秋生圈中好友劉德華、劉青雲、陳冠希、張敬軒、方中信及黃子華等人送上花牌。靈堂設計簡潔,黑白遺照,橫匾寫上「褔壽全歸」,靈堂中央放着3個粉紅色花牌,正中央是秋生與太太的,另一個則是兩兒子睿銘及煜政。秋生於中午4時前與助手到達,之後太太同細仔及舅父相隔10分鐘後到達靈堂,顯得有點避忌。

打點一切後,秋生戴着黑超接受傳媒訪問,秋生講到心情:「今日好忙處理好多嘢,未靜落嚟,頭先瞻仰遺容時就難過!」他感謝各界送花牌慰問,因怕麻煩到朋友冇通知任何人,但眾人仍送上花牌好有心。秋生指太太怕類似場合,望各界包涵,而細仔由加拿大返港。

秋生透露母親並無宗教信仰,但避免親友們太傷感,不想靈堂太寧靜,故選用道教:「我特登執咗啲衫畀佢,佢鍾意大紅大綠,同埋準備咗頭箍,但頭先見佢縮咗水,個頭箍甩咗,整整吓斷埋,可能佢唔鍾意啦!」與母親臨別,秋生表示無刻意講一路好走等說話:「唔講呢啲,好核突,好似叫人走,好行夾唔送咁樣。」之後秋生會籌備其他工作,又表示工作好特別,要出埠做,但話成事再公佈。

娛聞樂陪你走遍全球追星,即Like「娛果」FB 專頁!
BannerBanner