【親述傷勢】曾志偉透露肋骨裂開:不能咳嗽,躺下去、起來會痛

更新時間 (HKT): 2018.12.30 20:23

曾志偉日前(25日)喺日本北海道自駕遊時,與香港警務處刑事及保安處處長李志恒及家人乘坐嘅七人車迎頭相撞,處長及其家人全部受傷。

今晚志偉單獨現身台灣桃園機場,佢覆述事發經過,話自己從車cam錄影片段中見到,係對方架車疑失控,滑到佢嗰一邊。講到傷勢,志偉話:「第5節跟第7節的肋骨裂開一點點。」不過因為佢要開戲,所以要趕返劇組開工,佢又感謝大家關心。

雖然志偉話自己傷勢「還好」,但佢話最近無論瞓低定起身,連深呼吸都會覺得痛,佢話:「(傷勢)還好,就是不能咳嗽,躺下去很痛,起來的時候很痛,深呼吸的時候會有點痛,也沒有甚麼辦法,就讓他自然好。」再問佢會唔會睇中醫或者西醫跟進做治療?志偉話:「會,我朋友已經在等我。」

娛聞樂陪你走遍全球追星,即Like「娛果」FB 專頁!
BannerBanner