【用記性差做藉口嗰班係咪…】舞台劇綵排唔使揸劇本 惠英紅:我做足準備

更新時間 (HKT): 2018.12.30 14:29

惠英紅、滕麗名主演嘅舞台劇《玻璃動物園》噚晚喺北角新光戲院開鑼,送花牌到賀嘅有Twins、謝君豪、關之琳、容祖兒、謝霆鋒等,而到場睇演出嘅就有關之琳、張可頤等。

小紅姐以劇中一個造型打扮現身接受傳媒訪問,佢話:「一共演九場,中間有一日休息,但嗰日要去葉念琛活動,即係冇得休息。」一連演出九場,除咗要應付體力透支之外,保養把聲都好重要,小紅姐話:「劇中有好多對白,仲有好多場戲要嗌,睇到華仔新聞,更加要小心,都驚失聲,所以要細聲啲講說話,平時拍戲聲沙可以休息,但舞台劇就唔可以,所以最大壓力就係要保住把聲,食開聲丸,飲羅漢果水,呢排天氣轉一轉,都有少少咳。」

小紅姐笑話唔知做舞台劇咁大壓力,但好開心見到全場爆滿,之前為齣劇排練咗廿幾日,最難忘係有日綵排,因為自己做足準備,所以唔使揸劇本排戲,其他演員見到都目瞪口呆。

娛聞樂陪你走遍全球追星,即Like「娛果」FB 專頁!
BannerBanner