【獨家.有相】曾志偉孖女伴離開札幌 愁爆篤手機冇笑容

更新時間 (HKT): 2018.12.30 19:25

曾志偉於聖誕節(25日)在日本北海道自駕遊,途經鄰近余市嘅赤井川村時,與香港警務處刑事及保安處處長李志恒及家人乘坐嘅七人車迎頭相撞,處長及其家人全部受傷,逃過一劫嘅志偉被爆孖女伴同行,對方係年約40歲嘅化妝師Vanus。志偉在上周四發聲明否認醉駕,稱當時沒飲酒,錄取口供後隨時可以離境,並祝李早日康復。(新聞連結: http://bit.ly/2LGqzrw )

而志偉在聲明中透露,假期結束後將到台灣繼續電影拍攝工作,今天日本時間下午2時多,志偉孖Vanus現身札幌機場離開北海道,被讀者羅小姐透過「爆相爆片」分享,羅小姐在電話表示:「我喺札幌機場嘅lounge見到曾志偉,佢着住黑色衫,坐喺近門口位置,佢同化妝師一齊,兩個人有傾有講冇避忌。」

問到志偉有冇表現得愁眉苦臉?羅小姐話:「佢冇乜笑容,幾乎全程坐喺度休息,冇乜出去攞嘢食,有時用手托頭睇手機,有時同化妝師傾吓偈,化妝師講嘢好細聲。」

從讀者提供相片所見,志偉同Vanus打對面而坐,Vanus戴咗黑色冷帽,兩人身邊有一個細篋,而篋上有一個黑色手提袋,志偉全神貫注睇手機。而根據當時嘅航班資料,分別有飛香港及台灣嘅航班。

娛聞樂陪你走遍全球追星,即Like「娛果」FB 專頁!
BannerBanner