【除夕倒數派對】攜甘比現身許家印Party 大劉成為全場最受歡迎嘉賓

更新時間 (HKT): 2019.01.01 17:20

富豪劉鑾雄近年好低調,極少出現公開場合,但每年嘅12月31除夕夜,佢都會攜伴出席倒數派對。上年佢同甘比去咗林建岳開嘅Party,今年佢就同甘比去咗恒大地產老闆許家印嘅倒數派對,同場仲有馬雲、張松橋等。聽在場嘉賓講,噚晚大劉精神唔錯,更難得係佢冇再着住套睡衣出席Party,着住套老西同老婆仔女一齊倒數迎接2019年。

大劉老婆甘比當日喺會場都好忙,除咗要睇住三個仔女,又要同朋友打招呼,而大劉就更加受歡迎,因平時少出嚟,好多做生意嘅人都當佢係偶像,咁難得見到佢,梗係趁機走埋去,自我介紹或要求影合照。睇唔出全晚最受歡迎唔係啲性感女郎或主人家,而係財技玩到出神入化嘅大劉。不過成晚都係見許家印同張松橋傍實大劉,佢哋坐埋同一枱,真係傾到雞啄唔斷,聽講佢哋三個成日鬥地主,真係好老友。

娛聞樂陪你走遍全球追星,即Like「娛果」FB 專頁!
BannerBanner