【最怕改壞名】梁烈唯改名做梁競徽 網民恥笑:梁勁廢

更新時間 (HKT): 2019.01.03 16:35

好多藝人有時都會改個名,轉轉運咁,好似阿嬌鍾欣潼之前就改咗個桐字做潼,周勵淇就改咗個麗字做勵,而日前梁烈唯都改咗個名,今日就被網民發現,仲拎嚟大力恥笑。

日前梁烈唯就喺IG宣佈,自己個名會改做梁競徽,就咁睇個名都幾有型,但讀出嚟就唔係咁講喇,因為網民就發現佢個讀音勁似「勁廢」,網民都笑佢個名叫「梁勁廢」。

正所謂唔怕生壞命,最怕改壞名,梁烈唯變做「梁勁廢」都唔係娛樂圈嘅先河,因為早前奇妙電視都改咗名,叫做香港開電視,但將個「開」字轉做普通話,就會變咗做「香港kai電視」。

娛聞樂陪你走遍全球追星,即Like「娛果」FB 專頁!
BannerBanner