【天王追女秘笈】昆凌自爆曾逃情出走 3日後周董追到美國

更新時間 (HKT): 2019.01.03 19:09
昆凌大爆同周董嘅愛情史(網上圖片)

昆凌同台灣天王周杰倫結婚4年,育有一女一子湊成「好」字,當年周董曾經同蔡依林、侯佩岑拍拖,但結果就娶咗最唔紅嘅昆凌,以前係情場浪子嘅周董,做咗老竇後成個人成熟晒,變得以家庭為重,仲不時放閃晒溫馨。

最近天王嫂昆凌接受雜誌訪問,就剖白咗佢同周董嘅愛情故事,原來佢由拍拖到結婚,都承受咗好大壓力,昆凌自爆當初同周董拍拖時,自己曾經一度諗過放棄,因為覺得拍拖好似變成一件錯事,當年佢認識周董時得18歲,只係一個冇乜人識嘅model仔,突然間成為傳媒追訪焦點,令佢覺得好煩,而且拍拖又唔可以公開,又要擔心講錯嘢傷害另一半,昆凌坦言:「當大家問我的時候,我不能說實話,但又不想說謊,我不知道該怎麼回答,就只能尷尬的笑,只能傻笑。」

結果昆凌選擇咗逃避,走咗去美國讀電影,點知3日後,周董就追到去美國,「我那一刻突然有一種感覺,就是這個人了。」跟住昆凌都有問爸爸意見,爸爸叫佢要為自己嘅選擇負責,昆凌才下定決心跟周董在一起,「沒錯,這是我自己選的,沒有人迫我,所以我要為自己的這個決定負責。」

兩人嘅愛情生活好甜蜜,昆凌還爆曾經試過整蠱周董,在愚人節時將保鮮紙黐喺馬桶上,想睇吓老公會唔會被尿反彈噴到,點知被周董識穿早有防備,雖然整蠱唔成功,但就變成兩人嘅生活情趣。

娛聞樂陪你走遍全球追星,即Like「娛果」FB 專頁!
BannerBanner