【有戲癮拍劇】煲《義不容情》鬧爆韋家輝 伍姑娘:佢真係好毒

更新時間 (HKT): 2019.01.03 16:10
攝影:黄曉妍

伍詠薇噚晚喺太古城出席首映,伍姑娘話o依家拍緊一部電影,今次係同譚耀文、張繼聰合作。佢話:「聽講仲有一個新人,佢哋話係有『香港金城武』之稱,但係我哋冇對手戲。」講到金城武,伍姑娘話當年佢同對方同一間唱片公司,然後又笑說:「我有乜嘢靚仔係未見過呀?」

另外,伍姑娘話早前晚晚都追看《義不容情》,佢仲笑住話:「韋家輝真係好毒,搞到劉嘉玲同黃日華唔可以一齊!」問佢有冇戲癮想再拍劇?佢就話:「我一向都鍾意拍劇,只係產量少,有好多劇本搵過我,但係我想揀啱劇本先拍,我想拍啲民初戲、黑幫類型同黑色幽默嘅嘢,作為演員,乜嘢都想試吓!」

同場嘅黎明詩預告今年年初七會去清邁旅行,問佢到時會唔會着三點式?佢就話:「會㗎,不過我唔會擺上網,我比較古老啲,好少Share。」

娛聞樂陪你走遍全球追星,即Like「娛果」FB 專頁!
BannerBanner