【1歲半Romeo約女兜風?】周杰倫赤腳遊布里斯本 昆凌遊夜巿

更新時間 (HKT): 2019.01.05 22:23
(Instagram圖片)

台灣天王周杰倫(周董)同老婆昆凌早前帶埋一對子女——分別係3歲半嘅囡囡「小周周」Hathaway及1歲半囝囝「小小周」Romeo返澳洲探親兼過年,繼日前晒出一家人出遊相後(新聞連結: https://bit.ly/2LTpwET ),今日周董同昆凌各自喺Instagram貼相。

其中昆凌貼出喺布里斯本(Brisbane)夜巿Eat Street Northshore嘅相,咁啱當地今晚有活動,所以昆凌都影咗好多相留念,但相中只得佢一個,未見老公周董或一對子女上鏡。佢留言話:「A Playful night market!」,好似玩得好開心咁。

至於周董就先後出父子post,先係佢自己喺布里斯本一間食店打卡,相中見周董坐喺望街景嘅位置,戴住黑超好chok吓,其實嗰個位係好多遊客或該店食客嘅打卡點;另一張相係佢赤腳行馬路,見當地太陽咁猛,唔知周董腳板底熱唔熱呢?

另一post係周董貼出囝囝Romeo企喺架開篷車側邊,又係戴超現身,老竇周董仲幫囝囝約女上車:「Any pretty girl wants to take a ride?」

咦?周太昆凌知道老公約女……啊,係老公幫囝囝約女遊車河兜風未?

娛聞樂陪你走遍全球追星,即Like「娛果」FB 專頁!
BannerBanner