【錯過咗就冇】楊玉梅練個半月芭蕾舞 特訓飛人甫士無緣表演

更新時間 (HKT): 2019.01.06 16:36
攝影:馬建華

甄志強、楊玉梅、麥翠嫻、雪梨及王俊棠等將於下月一日,假屯門大會堂公演一場《難兄難弟音樂劇》,今日佢哋齊集屯門舉行新聞發佈會,並作個別簡短演出。

楊玉梅自小便想學跳芭蕾舞,直言今次甄志強令佢夢想成真。至今學咗芭蕾舞個半月,楊玉梅坦言仍有太大進步空間,佢話:「着起條芭蕾舞裙,我要先克服唔可以着底褲問題,因為芭蕾舞裙已經連埋內膽,但我未慣咁坦蕩蕩。」

身為監製、導演兼編劇嘅甄志強特別跟導師學習托起楊玉梅擺甫士,暫時未知會否加插此甫士入音樂劇中。講到只演一場會否太少,甄志強說:「屯門大會堂個期好難訂,我哋入咗紙年幾都係得一日期。」首次身兼多職,佢話近期百分百投入製作今次個騷,冇接其他工作,全因幕後工作仍有很多地方要學習及留意。

娛聞樂陪你走遍全球追星,即Like「娛果」FB 專頁!
BannerBanner