【金唱片意外不斷】疑工作人員冇閂咪 BTS表演期間有人聲惹粉絲不滿

更新時間 (HKT): 2019.01.06 20:15
今日舉行嘅《第33屆金唱片頒獎禮》意外狀況不斷

韓國音樂盛事《第33屆金唱片頒獎禮》今日喺九老區高尺天空巨蛋舉行,頒發「唱片部門」嘅獎項,由女星姜素拉孖男歌手成始景擔任司儀。頒獎禮於香港時間晚上7點左右完結,而人氣男團防彈少年團(BTS)亦連掃四個獎項成為大贏家。

不過頒獎禮途中就因工作人員嘅問題引起粉絲不滿,首先有男團NU'EST W嘅粉絲拍得台下情況,只見NU'EST W 4位成員僅獲安排3個座位,當成員Aron跟Ren坐低後,JR及白虎唯有尷尬喺後面「罰企」,不過BTS成員V就留意到NU'EST W唔夠櫈,隨即喺後面搬櫈畀JR及白虎,令V嘅暖心行為意外曝光。

而BTS及男團MONSTA X表演期間,就疑似因為幕後工作人員冇閂咪,意外播出工作人員嘅咳嗽聲及對話,甚至清楚聽到有人表示:「啊!我把聲音都播出去喇!」由於頒獎禮係直播播出,所以引起大批粉絲留言表示不滿,批評工作人員唔專業,唔明點解可以發生呢啲事。

娛聞樂陪你走遍全球追星,即Like「娛果」FB 專頁!
BannerBanner