【唔見咗行李】周秀娜南美旅行冇衫換 肚痛冇現金去廁所

更新時間 (HKT): 2019.01.11 18:38
攝影:林賓尼

周秀娜今日喺尖沙嘴出席護膚品活動,早前同兩女性朋友去南美旅行三星期,其間遺失行李,去到玻利維亞嗰時個肚唔舒服,由於當地好多洗手間都要收費,狼狽之下要向在場嘅香港男fans求救。周秀娜話就算去到著名景點天空之鏡,都忙住去洗手間打卡:「呢個行程唔見行李,好似乞丐,着住同一套衫,我覺得嗰幾日好污糟好臭。到玻利維亞遇正水土不服肚屙,我冇晒現金去唔到廁所,好彩遇到香港人。」

去到緊急時已顧唔到女神形象幻滅,周秀娜話:「人生大事(指人有三急)喎,唔理到咁多。同行朋友叫我同佢合照。」而她食飯時曾遇兩個荷蘭男士搭訕,但因網絡訊號差,事後冇交換電話,但對方都有去到天空之鏡旅遊。回港後即工作拍戲,要適應時差,但第一場已是談情戲。

娛聞樂陪你走遍全球追星,即Like「娛果」FB 專頁!
BannerBanner