懶理被指「小三渣男」
調理身體明年生B
周勵淇撐老公「我接受佢嘅過去」

更新時間 (HKT): 2019.01.12 05:20

現年39歲的周勵淇(Niki),上月在社交網宣佈已為人妻,老公是內地演員傅浤鳴。傅浤鳴前妻閨密早前在網上爆料,指Niki與傅浤鳴是「小三渣男」,Niki昨日出席活動力撐老公,更說:「我接受佢嘅過去同發生嘅一切。」至於有傳Niki閃嫁是因為奉子成婚,她否認傳聞,但就揚言調理身體,準備明年生B!

預咗被鬧

女主角Niki昨日在中環出席活動,也是婚後首次在港公開露面,Niki明顯有備而來。提到她14年就曾與傅浤鳴傳緋聞,Niki表示與傅浤鳴拍拖到結婚是在一年內發生。對於被指是「小三」,她顯得相當無奈:「肯定唔係,好多猜測,唔多唔少都會唔開心,好難個個去解釋,完成咗人生大事,所以先同大家分享,唔係就唔係。」Niki又指老公也有為她抱不平,至於老公被稱為「渣男」,她說:「佢唔係嘅話,人哋點講好難好控制,唔知點回應。結婚係開心事,有唔同聲音係預咗,冇所謂,唔好俾嘢影響。」她又透露自己在海外結婚,只有雙方家人出席,並不會在港補擺喜酒。

避談繼子

當提到繼子崽崽時,Niki直言不想透露太多,因為牽涉別人的小朋友,不想影響人。問到Niki是否介意繼母身份?她說:「唔想特別去講,係咪呢個身份冇所謂,佢以前係點都好,我接受佢嘅過去同發生嘅一切,我哋一齊嘅時候已經知道。」至於老公改名是否想避開被起底?Niki否認此說法,並指老公改名一段時間。

娛聞樂陪你走遍全球追星,即Like「娛果」FB 專頁!
BannerBanner