【隊友爭住呼冤】山口真帆險遭粉絲強姦 租同大廈單位部署一年

更新時間 (HKT): 2019.01.13 16:59

當事人山口真帆激瘦近9磅,上周更要在台上就被施襲一事鞠躬道歉,外界紛紛炮轟NGT方面處理不當。由於事件還牽涉到NGT其他成員,有指21歲隊友太野彩香,就係向兩名粉絲提供山口真帆返家時間嘅罪魁禍首,目前太野彩香已宣佈停工,與另一名被捲入風波嘅18歲成員菅原里子,雙雙缺席昨日嘅新潟開港150周年慶祝活動。昨日喺萬代島多目的廣場嘅演出,NGT站台期間未有談到連日來嘅風波,現場亦明顯加強保安及警力,而負責人今村悅朗仍未有露面回應事件。

據《週刊文春》昨晚嘅網上節目爆料,指兩名施襲fans還有同黨,呢班被稱為「Z團」嘅男粉絲專向偶像埋手,NGT人氣成員中井里佳嘅粉絲男友亦被指係其中一員,佢哋早在一年前已在山口住處大廈租下單位,有計劃地向獵物展開行動。

節目播出後,中井里佳昨晚即在社交網回應,成為首位開腔嘅山口隊友,中井自言與事件無關,直指未經官方肯定嘅消息都不實,打破沉默只係唔想令NGT繼續受傷害。至於捲入是非嘅太野彩香及另一成員西潟茉莉奈,今日凌晨各自透過Twitter否認跟事件有關。下月滿20歲嘅NGT風頭躉荻野由佳,今日也留言聲稱沒有出賣隊友,並以NGT成員身份向外道歉。

曾奪AKB人氣總選四屆冠軍嘅指原莉乃,在今早節目上再指摘營運NGT嘅公司管理不善,而身兼AKB總監督嘅橫山由依,昨晚在東京開騷時也就NGT鬧出嘅風波鞠躬致歉。

娛聞樂陪你走遍全球追星,即Like「娛果」FB 專頁!
BannerBanner