【韓流】表白被拒後 尹均相進擊追金裕貞

更新時間 (HKT): 2019.01.13 19:45
尹均相進擊追金裕貞

韓國19歲女星金裕貞孖31歲男星尹均相主演嘅JTBC新劇《先熱情的打掃吧》,因年末特備節目及轉播亞洲盃足球賽賽事而停播咗兩星期,終於聽日如常播出第11集,劇組今日率先公開劇照宣傳。

劇情講到金裕貞為咗要幫尹均相醫治潔癖,所以被安排搬到去其屋企與尹均相同居,而尹均相正打算向金裕貞表白,不過金裕貞就因為家人嘅事,而隱藏自己鍾意尹均相嘅心意並拒絕對方,但尹均相就表示唔會放棄,會一直追求佢。

劇照就見有嚴重潔癖嘅尹均相親自下廚冧金裕貞,而當佢見到金裕貞嘴角污糟咗,亦用手幫佢抹,令金裕貞相當驚訝。而劇組早前公開嘅預告中,尹均相突然爆出與女主播嘅緋聞,令金裕貞大感傷心,不過鏡頭一轉就見金裕貞、尹均相同床,又越靠越近,似乎又會上演吻戲。

娛聞樂陪你走遍全球追星,即Like「娛果」FB 專頁!
BannerBanner