【亞視之友】同尹天照演親熱戲 張文慈:感覺似亂倫

更新時間 (HKT): 2019.01.14 13:32
攝影:王連連

張文慈、尹天照、鮑康兒及何英偉,噚晚喺旺角出席福音電影《奇蹟·13》煞科宴 ,戲中尹天照、張文慈飾演夫婦,會有親熱戲。張文慈同尹天照喺亞視年代已認識,張文慈笑言因為係好熟嘅朋友,拍戲時嘅感覺就好似亂倫咁,但又幾得意,因為都係第一次有咁多對手戲:「有好多戲都係臨時加上去,可能尹天照暗戀咗我好耐。」

《奇蹟·13》o依家做緊後期,預計六月推出,亦會喺韓國上映。二人均指戲中有好多難忘經歷,尹天照話:「有幕講我兩個潛水,何英偉救我,拎氧氣筒畀我吸氧,但我本身唔識潛水,加上有水壓會耳鳴,如果接唔到個氧氣筒好易有危險,不過我諗喺我臨死前應該會救到我,現場有三個潛水教練坐陣。」佢又話件潛水衣太貼身,好難除,尹天照笑言:「我諗唔到點樣去廁所,我要同何英偉互相扯開啲衫,好似基佬咁。」

而張文慈就話有場戲要衝出馬路畀架大巴士撞,但因為太驚,衝到出去自己閃開咗,結果被大家取笑。另外,佢講到早排去台灣玩,點知一去到就病,發燒嘔吐,仲傳染埋畀屋企人。

娛聞樂陪你走遍全球追星,即Like「娛果」FB 專頁!
BannerBanner