【港人去日本買樓】野村周平談將來夢想 :希望買起香港樓

更新時間 (HKT): 2019.01.15 21:35
野村周平似乎對香港情有獨鍾。

擁有四分一中國血統嘅日本男星野村周平,近年轉以壞孩子形象發展,最近佢就以25歲之齡再扮中學生,為本周六首播嘅純愛偶像劇《我的初戀情人》擔任男主角,不過唔少網民就認為佢多次失言及形象麻麻,近年亦愛上裸露,直指要佢扮一個純情少男實在難有說服力。

《我的初戀情人》係漫畫家青木琴美嘅人氣作品,2009年曾被拍成電影,由岡田將生夥拍井上真央主演。今次故事再拍成連續劇,由野村周平拍住櫻井日奈子,兩位主角與宮澤冰魚、佐藤寛太等拍檔到埼玉縣取景,並以一身劇中造型見傳媒,眾星在活動上談到自己夢想,野村周平竟然話希望可以喺香港擁有自己嘅建築物!

雖然日本買屋較香港便宜,更有唔少港人到日本置業,曾多次來港嘅野村就有咁嘅見解:「我好鍾意玩單板滑雪,但高中開始已知道靠滑雪係搵唔到食,考慮到唔使擔心將來生活,我嘅夢想就係開地產公司,可以喺香港擁有自己嘅大廈係我嘅夢想。」

娛聞樂陪你走遍全球追星,即Like「娛果」FB 專頁!
BannerBanner