【天嬌去咗邊?】譚凱琪同區永權台北放煙花 太驚鬥快彈開

更新時間 (HKT): 2019.01.18 19:07
(fb圖片)

譚凱琪主演嘅《大帥哥》啱啱播完,觀眾係好唔捨得「天嬌」,原來佢已同區永權、龔嘉欣同鍾晴飛咗去台灣拍攝大台賀年節目《台灣過年攻略》,人夫區永權一拖三,佢話此行湊女,三個女人一個墟,好熱鬧。

據知佢哋行程都好密,係咁喪食台灣特色賀年菜,噚晚就去咗台北河濱公園放煙花,區永權早年曾喺台灣住過3年,但佢話都未放過煙花,呢次放到佢好開心。區永權今日回覆傳媒時話:「放煙花前,大家興高采烈話要放煙花,點知放嗰剎那,冇諗過啲煙花咁大,佢哋三個女仔全部閃晒,得我一個企得最近。」相中見到,煙花爆時都好有氣氛,好有舞台效果。區永權話放嘅場地空曠,所以凍到飛起。

下月農曆新年,區永權再帶老婆同兩個仔離港過年,佢話一早揀咗去台灣,所以呢次外景,探好路,到時就可以用番呢個「懶人包」。

娛聞樂陪你走遍全球追星,即Like「娛果」FB 專頁!
BannerBanner