【唔見Vanus現身】曾志偉拉隊去峴港 孖家蔚文女嘆意菜再食Pho

更新時間 (HKT): 2019.01.18 19:30
曾志偉噚日拉隊坐私人飛機前往越南。網上圖片

曾志偉去年12月喺日本北海道自駕遊時,與香港警務處刑事及保安處處長李志恒及家人乘坐嘅七人車迎頭相撞,事後志偉講述車cam錄影片段中見到,係對方架車疑失控,滑到佢嗰一邊,否認醉駕,當時志偉稱第5節跟第7節嘅肋骨有啲裂開,無論瞓低定起身,連深呼吸及咳嗽都會覺得痛(新聞連結: https://bit.ly/2FIPKIQ ),佢逗留喺台灣休養,以及準備拍新片《聖人大盜》,志偉戲份喺今年1月初開始拍,o依家應該拍完。

噚日曾志偉、洪天明、周家蔚、文頌嫻(文女)、戚美珍、余安安同梁家樹等,坐私人飛機前往越南,今日佢哋去咗峴港The Garden Restaurant嘆意大利菜,洪天明下午喺Ig貼出合照,留言:「出嚟飲咖啡先再去吃Pho(越南牛肉粉)。」見志偉坐得筆直,睇落傷勢已無大礙,合照中似乎唔見早前陪志偉同遊札幌嘅化妝師Vanus。有一個疑似身在當地嘅網民喺洪天明Ig留言指見唔到錢嘉樂同湯盈盈,而「七姊妹」其他成員亦未有同行,但可以見到獎門人,仲讚志偉好cutie。

之後周家蔚喺Ig story貼出影片,影佢哋去食牛肉粉,片中見志偉同坐喺隔籬嘅余安安雞啄唔斷,而文頌嫻同洪天明就顧住食。

娛聞樂陪你走遍全球追星,即Like「娛果」FB 專頁!
BannerBanner