【陰功咯…】老竇夜會吳彥祖馮德倫 李璨琛囡囡家中對門喊爆

更新時間 (HKT): 2019.01.19 15:20
(Ig圖片)

李璨琛(Sam)自從喺2012年娶老婆梁志瑩後,舊年終於「升呢」做人父,誕下囡囡李元元(Lucy),做咗老竇,Sam有女萬事足,不單喺自己社交網站晒女,早前更被《蘋果》讀者目擊佢聖誕節帶囡囡去行街(新聞連結: https://bit.ly/2W3H7hV )。

今日Sam喺Instagram貼新相,原來佢噚晚去咗吳彥祖有份開嘅酒吧開幕禮,同場仲有唔少藝人,包括馮德倫、關秀媚、谷德昭、尹子維等,其中喺電影《特警新人類》中合演過嘅馮德倫、Sam同吳彥祖仲嚟咗張「世紀合照」,有唔少網民都話好經典,亦都有好多人問「霆鋒呢?」睇番啲相,啲賓客都玩得好開心,飲到面紅紅咁,相信成班人都好盡興。

不過,喺Sam會老友嘅同時,原來佢囡囡Lucy喺屋企喊得好淒涼,話說得10個月大嘅Lucy,噚晚喺屋企廁所門口等媽媽,但等咗好耐好耐,都唔見媽咪出嚟,實情係佢媽咪一直坐喺廳度飲緊檸檬茶,換句話講,即係Lucy一直喺度等空門,獨自傷心。Lucy喊得好慘豬,真係見者傷心嘅程度,所以有網友留言話「求(Lucy)心理陰影面積」,唔知Sam返到屋企有冇錫番囡囡呢?

娛聞樂陪你走遍全球追星,即Like「娛果」FB 專頁!
BannerBanner