【過兒快娶姑姑吧】《神鵰俠侶》變黑的楊過 古天樂李若彤又重遇

更新時間 (HKT): 2019.01.21 12:47

《神鵰俠侶》小說裏面嘅「楊過」同「小龍女」,相約16年後重聚,而曾經在大台95年版本嘅《神鵰》劇集扮演「過兒」同「姑姑」嘅古天樂與李若彤,近年不時重聚,2018年李若彤先貼過同古仔嘅合照,指二人喺食晚飯時偶遇(新聞連結: https://bit.ly/2DnsEpE )。

噚晚「小龍女」李若彤喺微博又晒同「楊過」古天樂合照,留言:「知道在我和過兒身旁的是誰嗎?除了金庸先生之外,他是另外一個我要感謝的人!金庸先生創作神鵰俠侶,李添勝先生(人稱添哥),是95《神鵰俠侶》的監製,是他把我倆選在一起,創造了經典!謝謝他!今晚是95《神鵰俠侶》2019聚會!順便替添哥補祝生日!」

相中除咗有「過兒」同「姑姑」嘅相,仲有「李莫愁」雪梨、「黃蓉」魏秋樺、「黃藥師」駱應鈞、「傻姑」陳安瑩、「陸無雙」簡佩筠、「孫婆婆」馮素波。現年48歲嘅古仔同45歲嘅李若彤keep得最好,古仔仲搭住李若彤膊頭合照,有網民留言:「你是古仔為數不多願意摟着拍照的女生」甚至有網民搞笑表示:「過兒快娶了姑姑吧,16年之約都過去8年了!」、「真是不變的姑姑,變黑的楊過!」

《神鵰俠侶》係一代武俠小說宗師金庸其中一本名著,多次被中港台改編成電視劇,而家大台就播緊劉德華同陳玉蓮版本嘅《神鵰》,除咗華仔同蓮妹嘅「楊過」與「小龍女」組合夠經典外,95年版由古天樂同李若彤合演嘅《神鵰》,都吸引好多觀眾讚好,李若彤版本嘅「小龍女」就被讚有仙氣。

娛聞樂陪你走遍全球追星,即Like「娛果」FB 專頁!
BannerBanner