【玩完校服P】黃心穎扮斯文用嗲聲嚇窒楊潮凱 黃浩然萬歲請食嘢

更新時間 (HKT): 2019.01.22 18:48
心穎BB一向人緣唔錯,聽日就係佢30歲正日生日,同事都提早同佢慶祝。Ig圖片

聽日係黃心穎30歲正日生日,噚晚圈中好友為佢搞咗個「超齡學生妹初戀之夜」生日派對,個個着晒校服,而男友馬國明着到紅噹噹,唔少網民都覺得馬國明似訓導老師多啲,原來呢個生日P係好友湯洛雯幫佢搞,而高海寧負責訂生日蛋糕,仲專登揀咗一對馬嘅公仔裝飾喺蛋糕上面,送畀心穎BB,相當有心思(新聞連結: https://bit.ly/2R3bkKg )。

玩咗一晚,心穎今早為新劇《法證先鋒IV》開工,「高Sir」黃浩然知心穎就嚟生日,即萬歲請食飯,好友楊潮凱喺Ig貼出合照,稱呢個係心穎BB嘅「登三大典」,佢祝心穎生日快樂、青春常駐、身體健康、大紅大紫,之後楊潮凱喺Ig story拍片影住心穎行過嚟,佢話:「今日慶祝黃心穎生日,聽日先係正日,今日都仲係廿九歲。」跟住楊潮凱食住嘢拍片,叫心穎講兩句,點知心穎嗲聲嗲氣講:「好開心呀!」嚇到食緊嘢嘅楊潮凱窒一窒,差啲鯁親,心穎大笑:「成個人收斂咗。」之後心穎都有轉發呢條片,問大家覺唔覺得佢好斯文?!

娛聞樂陪你走遍全球追星,即Like「娛果」FB 專頁!
BannerBanner