【韓流】19歲金裕貞激咀尹均相3分鐘 貼身衫晒身材成焦點

更新時間 (HKT): 2019.01.22 18:45
金裕貞於劇中激咀尹均相長達3分鐘

韓國19歲女星金裕貞孖31歲男星尹均相主演嘅JTBC劇集《先熱情的打掃吧》,噚日播出第13集,金裕貞於劇中主動咀尹均相,之後二人激咀3分鐘,成功令收視升至2.139%。

噚晚一集講到金裕貞喺尹均相屋企睇戲,見到戲中角色有親熱場面,二人立即表現尷尬,之後金裕貞打算返屋企,不過喺門口見到尹均相時,金裕貞突然大膽地表示:「今晚喺度過夜。」之後主動咀男方,二人隨即上演長達3分鐘嘅吻戲。

劇集播出後,唔少觀眾都留言表示吻戲太長,亦有粉絲留言「求編劇放過金裕貞」、「編劇係唔係冇嘢寫而要金裕貞咀咁耐」等,不滿編劇要19歲嘅金裕貞拍攝咁長嘅吻戲。

另外,一向身材有料嘅金裕貞,於劇中穿上貼身衫晒身材,立即成為網民焦點,有女網民坦言非常羨慕金裕貞。

娛聞樂陪你走遍全球追星,即Like「娛果」FB 專頁!
BannerBanner