【揮春送愛】陳智燊豬年轉做經理人 力捧囝囝做新星

更新時間 (HKT): 2019.01.23 07:35

陳智燊(Jason)和太太宋熙年(Sarah)分別在英國及澳洲長大,但二人愛情結晶品Damon卻生於香港,兩夫妻希望囝囝做個土生土長香港仔,所以Damon過的首個農曆新年,一定要留下難忘回憶,即使囝囝年紀還小,但Jason仍想讓他感受傳統氣氛。

還有不到兩周便到農曆新年,Jason為迎接豬年,日前就嘗試親手寫揮春,打算在大掃除後貼在家中。雖然他在倫敦長大,中文都是有限公司,書寫期間要用手機查看中文字的寫法,但他亦好有心思寫上來年願望,例如以豬年入題的字句「豬籠入水」,因為家中多了囝囝,Jason身為一家之主要努力賺奶粉錢養家,讓家人過得舒適,之後他還寫下「家肥屋潤」、「心想事成」、「闔家平安」等祝福語。

除了寫字,Jason還大玩創意,畫了豬豬公仔做揮春,祝願妻兒開心及健康,認真廿四孝老公和老竇,其中更用心心圖案表達了對太太宋熙年及囝囝Damon的愛意,非常溫馨。Jason說:「我第一次寫揮春,就算字迹唔係十分之靚,但每句都有意思,一家人健康好重要,寫完貼上,睇番得意嘅字迹係好開心,呢啲係家庭樂,開心同健康好重要,所以嗰兩張會貼阿仔間房,阿爸阿媽好錫阿仔,阿爸愛阿媽呢張就貼喺我間房,新年家庭氣氛同愛係唔可以少呀。」新年除了貼揮春粉飾家居,Jason又買了豬仔錢罌的黃金擺件添運:「我哋一家三口,買大小三隻應吓景,今年屋企先多咗爸爸豬、媽媽豬同BB豬先,我覺得好溫馨。今年如果會賺多啲,我再買多幾隻獎勵自己,每個job買一隻都OK喎,咁年尾可以總結有幾多隻豬仔,希望有幾十隻啦,我諗十幾、二十隻應該有,三、四十隻就要努力吓先。」

問到Jason的豬年大計,他說:「我會構思吓自己做啲新節目同拍片,我仲會做埋經理人,手頭已搵咗一個好受歡迎嘅星,佢叫Damon,我個仔呀,佢真係好靚仔,好有觀眾緣,客戶有興趣可以call我,我就安排呢個靚仔,佢係新晉男演員,陳家力捧男星。」Jason為囝囝拍片拍上癮,他說:「見親囝囝都好開心,佢太可愛,唔好意思,我好唔知醜,我睇佢啲片好冧,百看不厭,臨瞓、起身、洗面後、拍嘢前,無時無刻都想睇。」

娛聞樂陪你走遍全球追星,即Like「娛果」FB 專頁!
BannerBanner