【兄弟如手足】羅金榮感激黃子華撐到盡:前世可能係親兄弟

更新時間 (HKT): 2019.01.24 00:00

80、90年代香港樂壇盛世,不少男女歌手、樂隊組合在這個小小大舞台進進出出,單是樂隊組合已為數不少,達明一派、Beyond、太極,Raidas、草蜢、風火海等組合,各有擁躉。然而,大家又可曾記得,由四位成員組成;包括主音羅金榮(Wing)、許日佳、郭熾賢及陳頌紅的樂隊「幕後玩家」?

95年成軍的幕後玩家,出道兩年便遇上唱片公司倒閉被迫解散,成員各散東西,主音Wing由幕前轉到幕後,其後試過自資出唱片,更加是旺角行人專用區的Busking始祖,對音樂充滿熱誠。

可是,這份熱誠未有為Wing帶來甚麼好機遇,他甚至因為過於擔憂前途,13年確診患上焦慮症,而且情況相當嚴重,現在仍需定期覆診及服藥,但Wing認為最差的日子都已經過去,現在除懂得笑看將來,還一直感恩上天給他遇上黃子華這位好兄弟,比金錢來得珍貴。

現年54歲的Wing,日前在灣仔接受《蘋果》專訪,說到他和子華的相識經過,他深信一切都是緣份。Wing憶述:「85年我參加歌唱比賽攞咗冠軍,得獎後訪問我嘅人就係子華,因為佢當時幫港台主持節目,不過嗰次大家只係有一面之緣,真正認識係喺96年。」

原來Wing的哥哥曾經是電影場務,他說:「當年有部電影想搵一間舊屋取景,我同哥哥住喺深水埗舊樓就啱晒啦,於是哥哥提議將屋租畀電影公司拍兩日,賺嘅錢夠交一個月租!」Wing指他得知子華有份拍攝該部戲,拍攝當日特地提早返家,希望可以同子華打個招呼,因為當年從電視看過他和張達明的《棟篤笑雙打》,覺得佢好叻,說話好有穿透力,可惜當日佢返到屋企樓下,已經見到子華上車離開,緣慳一面。

不過,緣份就是這麼奇妙,Wing想不到就在同一個晚上,竟然在尖沙嘴一間酒吧碰上子華,大家還有共同朋友。Wing笑謂:「子華嗰晚去咗我朋友開嘅酒吧聽歌,我朋友介紹咗我哋認識,子華仲同我講,佢下晝去咗一間屋拍戲,相信屋主好鍾意音樂,因為佢喺其中一間房,見到好多結他,又有一張大poster,我就笑住講出掛喺房入面嘅poster係點嘅樣,然後話畀佢知,間房係我㗎,大家都覺得好神奇!」

那次之後,Wing一直跟子華保持聯絡,更加由普通朋友成為好好的朋友,這麼多年來,子華開騷必定會請Wing參與,他就由最初的Operator工作,到同時兼顧台燈聲,然後到最後一次《金盆o浪口》,擔任舞台監督一職。Wing指:「我由08年開始幫佢,嗰時佢差唔多年半就開一次騷,每次佢覺得我好似冇乜消息,冇job做,就會主動搵我出嚟食飯,然後話要畀定上期我,book定我幫手做騷,其實佢就係想預支人工畀我,真係好感動!」

Wing續說:「有時我真係會諗,我同佢(子華)前世可能係親兄弟,我最記得當年我自資出唱片,佢為咗撐我,竟然半跪式向傳媒請求,叫大家報道一下我,佢就係一個咁嘅人,真係好好,對我嘅支持唔係一時,係永遠支持我,就連黃媽媽都咁樣講,真係好難得。」

娛聞樂陪你走遍全球追星,即Like「娛果」FB 專頁!
BannerBanner