【咁就18年】旺角Busking始祖 羅金榮:日日畀食環署驅趕

更新時間 (HKT): 2019.01.24 00:00
攝影:葉君海

現年54歲的羅金榮(Wing)是前樂隊「幕後玩家」主音,樂隊雖然只出過兩張唱片,但Wing亦有其他作品,當年黃子華主演的電視劇《男親女愛》主題曲《藍天》,就是出自他手筆,而Wing在樂隊96年尾解散後,由幕前轉到幕後,輾轉去了鍾鎮濤的錄音室工作。回想那些年,Wing直言很感激B哥哥的教導,又指對方是他的啟蒙老師,令他有機會接觸整張唱片製作過程。

轉到幕後一段時間,Wing又心癢癢想再唱歌,於是把心一橫,拿了10萬元積蓄自資出唱片圓夢。沒有唱片公司支持,任何事都要靠自己,要為歌曲宣傳,就當然要動動腦筋,Wing當時想到外國街頭賣唱的文化,於是決定「落區」,去赤柱、旺角等地自彈自唱表演,成為旺角行人專用區的Busking始祖。

去年8月,旺角行人專用區被「殺街」,但原來十多年前,沒有大媽在旺角遍地開花,站在那兒想正正經經唱首歌也不是易事;「我01年就喺旺角行人專用區Busking,嗰時真係冇人唱㗎,最多都係有一兩檔玩吓雜耍,但係都有食環署,一唱就嚟㗎喇!」Wing笑着說。

然而,為求達到宣傳目的及賺取收入,Wing只好跟食環署展開追逐戰,有時唱30分鐘,有時唱45分鐘就會被趕。他說:「佢哋係會不斷咁驅趕嘅,會走埋嚟話『先生呢度唔可以賣嘢』㗎喎,我同佢哋講冇賣嘢,大家只係隨緣樂助,但係佢哋都話唔得,差唔多隔半個鐘就嚟趕一次,直到有一次終於叫警察。」

雖然已經是十多年前的事,但Wing對某一日被警察「重重包圍」驅趕的情景仍歷歷在目。他說:「一部衝鋒車駛埋嚟,五、六個差人走埋嚟,有個高級啲嘅指住我話『叫咗你唔可以唱㗎啦,再見到你就返差館』,個警察仲話,到時告我犯乜嘢罪就唔知,總之就會帶我返去,我諗如果真係告,會話我行乞呀,非法使用揚聲器之類啦!」

Wing指當年,他半小時賣60幾張約20元一張的CD,收入可說是很不錯,但這種生活只維持了兩個月左右便結束,身邊朋友都叫他不要再去,怕他會被關進監倉。

幸好,經過Wing多年來的努力,加上身邊不少人的幫助及提攜,終於有投資者欣賞他的才華,目前製作中的新專輯再不用自資。他說:「好開心,因為原來堅持唔放棄,捱過最艱難日子,係會有人欣賞,今次嘅專輯係有投資者,暫時做咗七首歌,但未定幾時出,唔會急,因為想盡力做到最好。」果然是坎坷過後有艇搭!

娛聞樂陪你走遍全球追星,即Like「娛果」FB 專頁!
BannerBanner