【護士出身明白感受】拍打氣短片惹負評 楊千嬅:真係好想同佢哋講聲加油

更新時間 (HKT): 2019.01.29 13:30

彭浩翔執導的賀歲片《恭喜八婆》昨晚在九龍灣舉行首映,有份客串的楊千嬅現身支持。早前醫管局找來藝人譚詠麟、陳慧琳、楊千嬅、謝雪心、C AllStar成員On仔和球星葉鴻輝等人拍片,向醫護人員打氣,結果反遭不少網民負評(新聞連結: https://bit.ly/2UpioTA ),千嬅說:「其實我喺拍片前冇諗咁多,自己曾經係護士,當然明白佢哋一個人要應付50個病人嗰種辛苦同壓力,真係好想同佢哋講聲加油。」

另外,千嬅早前同老公丁子高及囝囝到北海道滑雪,然後再飛紐西蘭為演唱會相關工作進行拍攝,她笑稱:「我本身唔識滑雪,嗰陣同個仔囝一齊上堂,我希望45歲人可以突破一下,試吓做啲自己未做過嘅事,原來真係唔係想像中咁易。」問老公丁子高有否教她?千嬅即笑謂:「你覺得佢會等埋我咩?呢啲就係結婚前同結婚後嘅分別,以前會等埋我,但係而家係唔會等㗎!」

另一邊廂,導演彭浩翔被問到是否覺得香港醫療架構出現問題,令早前有份拍攝為醫護人員打氣短片的人,成為事件的代罪羔羊?他直言:「呢個係佢哋架構同制度嘅問題,唔係搵明星拍片同幾粒魚蛋可以解決。」

娛聞樂陪你走遍全球追星,即Like「娛果」FB 專頁!
BannerBanner