【亞視永恆】重生一周年擺40圍盆菜宴 總台貼滿劇集海報回憶輝煌

更新時間 (HKT): 2019.01.29 21:19
攝影:沈健程

出身亞視的吳毅將自言已經很久沒有回到亞視,他接受訪問時說:「都係6、7年前接受甘國亮《亞視百人》訪問,亞視係我娘家,1982年畢業到而家,同學有黃秋生、苑瓊丹同麥翠嫻,每次都感觸良多,呢個地方養育我長大,亞視要我呢個仔,一定會返嚟。」他透露今趟是以前一位監製聯絡。談到有傳亞視資金有問題及早前裁員時,吳毅將表示內心不舒服,感覺就如生母好像快要離世一樣,他強調:「要我嘅一定幫手,其實亞視熄燈之後有過一次大聚會,係講籌備開台,當時都希望亞視成功。」他自言近年以大陸工作為主,拍過電影《追龍》及《反黑》,每次拍完戲就返香港,而為方便工作,已經在杭州買樓。

夏春秋今天也有出席,他表示自己是老臣子,他指今天很開心,因為亞視還記得他,問到早前亞視裁員,他說:「冇,我喺呢個圈咁多年,裁員都經常發生,我都經過幾個浪,我幾乎畀人裁,但好彩有人扶我。」

2018亞洲小姐(香港賽區)冠軍梁雪瑤今晚有份表演魔術,她笑言已練了兩個多星期:「原本諗住唱歌,不過想挑戰自己所以表演魔術。時間過得好快,由參選到現在已經半年,而亞視重新開開台都係一年。」她慶幸可以成為新亞視第一屆亞姐。對於公司種種傳言,她表示只可以做好自己,但認為網絡電視同數碼媒體是一種趨勢,自己的工作及糧期都沒有受影響,因此不擔心公司資金。至於早前梁雪瑤在社交平台放閃跟男朋友的合照,她顯得不太開心,欲言又止說:「同男友拍咗3年拖,佢去咗澳洲工作,異地情難維繫,目前分開咗。」但拒絕透露分開了多久。

宴會中,台上邀來弗烈、賴水清導演、李道洪、唐麗球、吳毅將同戴夢夢細說當年,弗烈話:「亞視係我社會大學,好多嘢都喺亞視學返嚟!」吳毅將笑指:「雖然佢係我師兄,但佢個樣好乞人憎,好寸!」李道洪:「我半個世紀都喺亞視,希望亞視越嚟越好!」之後播出戴夢夢童星片段,佢話:「回憶番以前嘅片段,啲台詞我仲記得,當時喺廣播道拍到好眼瞓,係媽咪孭我返屋企。」另外,大會更邀請在亞洲電視服務超過20年至50年的員工上台表揚。

老臣子程啟光今年77歲,他在亞視服務58年,一直沒有離開,程啟光獲一套金飯碗金筷子、錶帶作為服務奬奬品,他說:「證明亞視係永恆,亞視係永遠存在喺香港。」對於亞視裁員和財政出現問題,程啟光指每間公司的員工也會出出入入,而今個月更有準時出糧。

娛聞樂陪你走遍全球追星,即Like「娛果」FB 專頁!
BannerBanner