【留港為電影造勢】陳靜唔返上海過年 徐天佑演同志好輕鬆

更新時間 (HKT): 2019.01.31 22:08
(攝影:林賓尼、廖達燊)

陳靜(DaDa)、徐天佑、丁可欣、邵音音和導演彭浩翔,晚上現身淘大花園為賀歲片《恭喜八婆》做宣傳,DaDa表示今年新年會留港全力為電影宣傳及謝票:「原本每年新年都會返上海探屋企人,今年應該過埋年之後先返,呢段時間要努力做電影宣傳。」她透露單是今晚已經要走五場謝票。

講到今年賀歲片檔期相當熱鬧,DaDa說:「係呀有成五套,我當然希望自己呢套票房好,但其實有咁多套戲對觀眾都係好事,自己都會試下去睇晒咁多場。」

另外,徐天佑就透露早前陪太太到美國工作,順道入場觀看NBA球賽:「我出發前兩個月就買定飛去睇湖人隊,最想睇LeBron James,可惜佢受咗傷淨係坐喺場邊睇,冇得睇佢落場,希望下次再有機會。」

講到電影中要同陳奐仁飾演一對同志伴侶,天佑笑言:「導演喺開拍前一日先同我哋講,自己都係第一次做呢類角色,好彩係賀歲片,尺度唔大,成件事比較輕鬆。」

娛聞樂陪你走遍全球追星,即Like「娛果」FB 專頁!
BannerBanner