年三十紅館團年 鄭中基伴女兒三代同堂大合唱

更新時間 (HKT): 2019.02.04 22:53

鄭中基(Ronald)今晚年三十晚於紅館舉行一連五場演唱會,他獻唱完《龍咁威》後,跟觀眾分享他的夢想。Ronald說:「如果問我嘅夢想,我嘅夢想係隨電影電視改變,細個想做占士邦,有車揸又多女,我覺得最近似就係揸的士,因為我屋企都有鏡嘅,我咁嘅樣點做占士邦?做的士司機一樣有車揸,的士台大把女,有時同行家爭客仲會有飛車場面。」

之後Ronald更揚言想做加藤鷹,他說:「後來想做變形俠醫,又想做演唱會,同埋想做加藤鷹。」說罷Ronald反問觀眾加藤鷹最叻是甚麼,現場有觀眾答「神之手」,Ronald笑說:「無錯啦,佢用兩隻手指令人好開心仲大叫到飛起,我上次演唱會握手時都試過用兩隻手指一指,啲觀眾都開心到大叫,加藤鷹最叻都係同時令兩個人開心啫,我哋今晚萬幾人一齊開心到跳起,我拍片畀佢睇,等佢死咗條心。」

至於陳少琪女兒陳明憙今晚亦有現身Ronald個唱,在他唱《放下》時,陳明憙便為Ronald彈結他伴奏。後來螢光幕播出Ronald與囡囡的相片,然後Ronald父親鄭東漢及Ronald囡囡Emma現身台上,由鄭東漢彈結他,囡囡Emma唱出《A Million Dreams》,唱到中段Ronald再上台合唱,囡囡Emma唱完後與Ronald擊掌,然後他們三代同堂唱出《八 二十八 八十八》,囡囡Emma還有跳舞,觀眾反應十分熱烈。Ronald其後表示:「三代同堂表演係我夢想,多謝大家。」囡囡Emma就向觀眾講:「新年快樂 祝大家身體健康。」

娛聞樂陪你走遍全球追星,即Like「娛果」FB 專頁!
BannerBanner