【香港獨有文化】《恭喜八婆》入選大阪亞洲電影節 彭浩翔:香港人笑一下

更新時間 (HKT): 2019.02.05 15:09

彭浩翔執導賀歲片《恭喜八婆》上映六日,好消息停不了。先有連續五日成為華語賀歲片票房冠軍,再來是劇本被荷里活監製看中,有機會翻拍。踏入豬年,《恭喜八婆》宣佈入選大阪亞洲電影節(Osaka Asian Film Festival)的「香港電影特輯(Special Focus on Hong Kong 2019)」特別項目,更會角逐最受觀眾歡迎獎及最佳演員獎。

彭浩翔回應入選感受,直言十分興奮:「好開心咁有本土賀歲特色嘅電影會得到咁多海外嘅關注!今次係一個好大嘅鼓舞。其實賀歲片都係一個香港幾獨有嘅文化嚟,好想藉住呢個機會,由《恭喜八婆》開始,向更多海外觀眾展示呢個賀歲片文化。我覺得呢個都係好興奮消息嚟,同埋有得角逐最佳演員獎,好多演員都好開心,包括我啦。因為我係作為演員身份,去代表角逐呢個獎,好開心,希望3月大家啲檔期就到,可以一齊出席大阪電影節。」

而對於連續五日成為華語賀歲片票房冠軍,彭浩翔表示很感謝團隊的努力,他說:「非常感激一眾台前幕後嘅手足盡力去配合宣傳,先令電影有好成績!去謝票嘅時候,聽到觀眾笑得開心,都覺得好安慰,『香港人笑一下』嘅生日願望達成咗。」

同戲演員知道入圍電影節都非常興奮,特別是新演員丁可欣(火雞姐),她說:「好開心第一次演戲就加入到一個咁好嘅劇組,套戲嘅票房又有咁好嘅成續,仲可以入圍到電影節,呢部電影係我人生最好嘅新年禮物!」

娛聞樂陪你走遍全球追星,即Like「娛果」FB 專頁!
BannerBanner