【親情可貴】趙哲妤新歡冇影 孖富貴媽咪同囡囡三代同堂遊日

更新時間 (HKT): 2019.02.07 16:08
(fb圖片)

單親媽咪趙哲妤(Uny)16年底未婚產女,囡囡跟她姓,改名趙真羽(Natalie),乳名叫「小魚」,Uny搏命賺錢養女,今年新年,Uny跟囡囡及媽咪,三代同堂去名古屋旅遊,Uny的媽咪李渠興被爆炒劏舖,越跌越撈底,最後賺大錢成為隱形闊太,還給女兒送磚頭,Uny今日把跟家人遊日溫馨照貼facebook,外婆跟乖孫都玩得開心。

Uny去年中被爆有新歡,男方是經營海產凍肉供應商Him Wong,兩人過從甚密,Him大冧Uny,還融入家中,代為照顧小魚。(新聞連結: https://bit.ly/2OBm9CG)但Uny一家遊日卻未見Him同行。Uny今日回覆《蘋果》時避談男方,未知感情是否玩完,講到帶囡囡出遊,她說:「囡囡日本初體驗,今個新年,一家人喺名古屋自駕遊,主要浸溫泉同去LEGOLAND玩,希望BB接觸多啲唔同文化,擴闊視野,媽咪之前話想食飛驒牛,所以滿足埋佢心願。」

問到Uny旅程中可有艷遇?她謂只有口福:「口福無邊,我同BB一樣,一日食五餐,小魚好鍾意懷石料理同蜜瓜。」Uny為囡囡換上紅裙,打扮成「人肉利是封」應節。Uny的囡囡去年初發現左耳有弱聽情況,並要做手術植人工耳蝸,(新聞連結: https://bit.ly/2IoOHfK)Uny表示囡囡已完全康服。

娛聞樂陪你走遍全球追星,即Like「娛果」FB 專頁!
BannerBanner