泰民(右二)開腔提到離世隊友鐘鉉
韓國男團SHINee成員鐘鉉因受抑鬱症困擾，前年12月18日自殺身亡，終年27歲。雖然已經過去一年多，但隊友泰民近日受訪時，坦言不時仍會感受到鐘鉉離開後的空位。
泰民近日推出個人新碟《Want》回歸樂壇，被問到SHINee於鐘鉉離世後，四人活動時的情況，泰民表示：「雖然0依家已經冇事，但真係會偶爾喺意想不到嘅時候，就會諗起呢件事，亦感受到少咗佢(鐘鉉)嘅存在。但我哋(SHINee)都會覺得，與其收收埋埋，不如展現畀大家睇，儘管組合少咗一個人人，但其實我哋仍然同以前一樣。」
