【搞到上警署】坐港鐵遇怪男拍片追還錢 無綫主持嚇到面青:喊晒震晒

更新時間 (HKT): 2019.02.15 18:20

「TVB咪神」陳婉衡一向不吝嗇36E驕人身材,在無綫主持節目,為人認識,陳婉衡今日在Ig貼出身在港鐵辦公室的自拍相,相中見她雙眼有些紅腫,似剛剛哭過,她留言:「話說今日搭港鐵上跳舞堂,無啦啦有位男士走埋嚟話我爭佢錢。全程用手機拍住我,追住我,跟埋我落車都唔肯畀我走,又話要報警。」

陳婉衡受驚,想找港鐵職員求助,未幾警察到場,她續道:「跟住警察嚟到就好confused(困惑),因為係嗰位男士報警,但係就見到我又喊晒、又震晒咁。搞咗個幾鐘,原來嗰位男士好似點錯相。」而她被帶到警署,她無奈稱幸好港鐵職員和警察都明白事理,反問究竟邊個先係受害者,有網民問:「咁都可以點錯相?」她解釋:「這位男士話好似係電話騙案,佢話我把聲似(嗰個人)喎!」

她稱人生第一次去警署,形容自己黑仔:「我冇呃你錢啊大佬,下次可唔可以搞清楚,搞到我miss埋跳舞堂。」不少網民覺得她可能遇上騙徒,「好多人把聲都似」、「嚇到面都青埋」、「可能有人用你張相呃人」、「人冇事就好」及「佢出絕招想識你啫」。

娛聞樂陪你走遍全球追星,即Like「娛果」FB 專頁!
BannerBanner