【兄弟姊妹實嗌交】欣宜恨有哥哥錫住大 林德信搗蛋專蝦細妹

更新時間 (HKT): 2019.02.15 07:00
攝影:馬建華

鄭欣宜、林德信(Alex)同林曉峰(阿Lo)日前於觀塘為電影《玩轉全家福》接受訪問,戲中阿Lo飾演欣宜哥哥,Alex則是她的細佬,盧海鵬演他們爸爸,夾在中間的欣宜大呻拍攝時三人全無火花,她扮嬲說:「都唔聽我講,夾喺中間無人理。」身為哥哥的阿Lo在每逢爸爸同弟妹有爭拗時,就起了一個緩和作用,他覺得沒有火花全因大家都在摸索怎去演繹自己角色,因為現實生活中,他們三人身份正正相反,阿Lo是細佬,欣宜是獨女,身為長子的Alex笑說:「有阿哥同家姐幾好,乜都唔使理好輕鬆。」

成長階段由婆婆全程照顧,欣宜表示長期幻想自己有兄弟姊妹,不用再對住塊鏡自娛,她說:「細個我好鍾意一套動畫《再見螢火蟲》,好想有個咁錫我嘅阿哥。」在旁的阿Lo冷笑指在現實生活沒有才拍出來,問到阿Lo兒時是否被家姐阿哥欺負?阿Lo說:「我哋四兄弟姊妹都係怪人,食飯傾偈都無視線交流,但我好尊重大家姐。」Alex自認兒時經常欺負細自己一歲的妹妹,久不久便走入妹妹房搗亂。

欣宜坦言得知演鵬哥女兒,便一口答應演出,希望藉此機會向鵬哥偷師,阿Lo說:「唔記得咗係第一定第二場,鵬哥演完之後坐埋一邊話應該咁演,跟住之後埋位嘅時候,佢就同欣宜講應該要咁樣做,佢真係好錫欣宜。」他們指鵬哥最熟所有人的劇本,只要他覺得你肯做便會指點,幸好他們三人都受過鵬哥指點,他們笑說:「如果鵬哥嗰日冇出聲,會好唔安樂好擔心。」欣宜又爆Alex未埋位時永遠靜默坐在一旁上網睇片,她說:「有一日我忍唔住走埋去睇吓佢睇乜,跟住就不停講嘢撩佢。」Alex無奈說:「我好怕煩。」欣宜聞言後即後悔當初關心Alex。

娛聞樂陪你走遍全球追星,即Like「娛果」FB 專頁!
BannerBanner